Реваншот Пакијао – Хорн на крајот на годината

Реваншот меѓу Мани Пакијао и Џеф Хорн може да се одржи на крајот на годината. Ова го објави бокс промoторот на Филипинецот, Боб Арум. Според него, најсериозна опција за домаќин на средбата повторно е Австралија.

Денис Лебедев го брани ВБА појасот во Екатеринбург

Во првиот меч од губење на титулата на ИБФ, Денис Лебедев (29-3, 22 КО) во Екатеринбург ќе ја брани титулата на ВБА супер шампион во крузер категорија.

Близначките Маријана и Мишела Димоски растурија на Австралија опен

Сестрите близначки Мишела и Маријана постигнаа голем успех на Австралија опен кое најсилното првенство на Океанија, во кати натпреварите до 21 година се сретнаа во финалето, Мишела беше поуспешна од Маријана, а во сениорска конкуренција Маријана е прва, Мишела трета од 36 натпреварувачки. Мишела (-61 кг) освои сребрен медал и во борби во У-21.

Копачки за Балкан

Минатата седмица на стадионот на Лајло Јунајтед Слога за време на тренинзите беше и спортскиот амбасадор на Boots for Balkans, фудбалската ѕвезда од А–лигата Даниел Георгиевски. За време на двочасовната посета тој даваше автограми и се дружеше со младите фудбалери. Повеќе од 100 пара копачки беа донирани.

Љупче Ацевски е новиот тренер на Престон Македонија

Минатиот вторник Љупче Ацевски ја презеде позицијата на тренер во Престон Македонија од Желко Поповиќ.  Злате Груевски со пуштена рака го дочека Ацевски во Престон Македонија. Замената на Поповиќ дојде поради слабите резултати постигнати во новата сезона. 

Кило Волци – Гизборн ФК 2:2

Петта државна лига на Викторија запад, 2 коло

Освоен е првиот бод за Волците кои играјќи нерешено со Гизборн 2–2 ги поделија бодовите.
Во сабота, на 8 април, Кило Волци играат во гости кај Лара Јунајтед со почеток во 15 часот.

Крегибурн Сити – Пленти Вали Лајонс 7:2

Петта државна лига на Викторија север, 2 коло

После минатонеделниот нерешен резултат не се очекуваше толку тежок пораз на гостувањето кај лидерот на табелата.
Во сабота, на 8 април, Леринчани ја пречекуваат екипата на Резерво Јети со почеток во 15 часот.

Бакстер ФК – Нобл Парк Македонија 2:2

Четврта државна лига на Викторија југ, 2 коло

Во сабота, на 8 април, Нобл Парк Македонија игра на домашен терен каде ја пречекува екипата на Розбад Харт со почеток во 15 часот.

Даребин Јунајтед – Лајло Јунајтед Слога 0:2

Четврта државна лига на Викторија север, 2 коло

Сигурна победа на Кенгурите при гостувањето кај Даребин. Важно е на секоја средба да се дава максимумот и да се укнижуваат поени со цел да се врати една лига погоре овој наш клуб.

Во сабота, на 8 април, Лајло Јунајтед Слога на домашен терен ја пречекува екипата на Гринваел Јунајтед со почеток во 15 часот.

Австралија – Обединети Арапски Емирати 2:0

Австралија оствари круцијално важна победа во квалификациониот натпревар од квалификационата Б-група за Светското првенство во Русија. "Сокерусите" мораа да победат бидејќи беа три бода зад Јапонија и Саудиска Арабија, кои истата вечер играа со најслабите репрезентации во групата. Јапонија убедливо го совлада Тајланд со 2:0.